O
próximo sábado día 20 Os
Abrentes de Cerdedo
estaremos no recinto
histórico de Pontevedra
participando no ciclo
"Música de tabernas". Dito
ciclo comezará o venres 19
coas actuacións de Foula de
Cotobade e Os Alegres de
Pontevedra ás 21:15h. O
sábado, e pechando o ciclo,
actuaremos Os Abrentes de
Cerdedo coa nosa charanga
tradicional e Lume na
Lareira.
·
As Chaneiras
de Marín ·
Os Abrentes de
Cerdedo - Grupo de
gaitas ·
As
Pandeireteiras de
Quireza (Cerdedo) ·
Os Alegres de
Pontevedra ·
Maianas (Ames) ·
Os Abrentes de
Cerdedo - Charanga
tradicional ·
A Requinta da
Laxeira (Vedra)
Día 30 de Abril ás
20:30h. no Centro Cultural de Cerdedo (auditorio
municipal). Entrada
gratuita.
Organiza
Asociación Cultural Os
Abrentes de Cerdedo
Pandeireteiras de Quireza
Resumo da presentación do libro "As bandas de música de Cerdedo" 29/11/10
O pasado Sábado día 27 de
Novembro ás 19:30 celebrouse
a presentación do libro "As
bandas de música de Cerdedo"
do autor Manuel Campos
Toimil (colaboran Xosé Luís
Troitiño e Rubén Troitiño)
no Centro Cultural de
Cerdedo (Auditorio). A este
acto sumáronse unhas 120
persoas que se achegaron ao
auditorio municipal.
A presentación abriuse coas
palabras do presentador do
acto, Roberto Vázquez e foi
seguido dun video
explicativo sobre o libro. O
autor, Manuel Campos,
falounos da súa estructura e
fíxonos un pequeno esquema
de tódalas bandas de música
que existiron en Cerdedo.
Tamén se sumaron a esta
presentación algún dos
músicos daquelas bandas coma
Julio Durán, Pepe Varela,
Pepe Iglesias, Nicolas
García e Eduardo Troitiño os
cales contaron en primeira
persoa algunhas das
vivencias daqueles tempos.
Foron entregados exemplares
dos libros a estos músicos
por ser os informantes
principais para a
elaboración deste traballo.
Tamén foron entregados o
libro "As bandas de música
de Cerdedo" a: Representante
da Banda de música Unión de
Campolameiro (entrega Manuel
Campos) e ao "Concello de
Cerdedo" (entrega Rubén
Troitiño, Presidente da
"Asociación Cultural Os
Abrentes de Cerdedo" e
recolle o Sr.
Alcalde-Presidente da
Corporación Municipal de
Cerdedo D. Silvestre José
Balseiros Guinarte).
Esta presentación rematou coa actuación da
Banda Unión Cultural de Campolameiro.
Entrevista a Manuel Campos no programa "Folk in
Trio" de Cuac FM
28/11/10
Entrevista a Manuel Campos
Toimil, autor do libro "As
bandas de música de Cerdedo",
no programa "Folk in Trío"
de Cuac FM.
103.4 FM (A Coruña) -
http://www.cuacfm.org
Venres de 16 a 17 horas
Presentación
do libro "As bandas de música de Cerdedo" do autor Manuel Campos
Toimil no Centro Cultural de Cerdedo (Auditorio) o Sábado 27 de
Novembro ás 19:30h.
Contará coa actuación da banda Unión Cultural de Campolameiro.
Organiza Asociación Cultural Os Abrentes de Cerdedo
Colabora
Concello de Cerdedo
Unión Cultural de Campolameiro
Stand
de música tradicional na V Festa
do Xabarín (Cerdedo) 26/04/10
Por
segundo ano a "A. C. Os
Abrentes de Cerdedo" montou
un stand de música
tradicional na Festa do
Xabarín expoñendo tanto o
seu traballo (instrumentos,
partituras, fotografías,
videos...) coma un adianto
do libro "As bandas de
música de Cerdedo".
Dende
a "A. C. Os Abrentes de
Cerdedo" queremos dalas
gracias a Sinda por
deixarnos varias pezas de
roupa tradicional, á "Asociación de
mulleres Nós Mesmas" pola
bandexa de doces, a Remedios
Toimil polas botellas pintadas a man adicadas ó grupo, a Mª
Asunción García pola súa
inestimable axuda e tamén ao grupo "A Roda" por deixarnos colaborar
con eles.
A "A. C. Os Abrentes de Cerdedo" na V Festa
do Xabarín (Cerdedo) 23/04/09
Participación da "A. C. Os Abrentes de
Cerdedo" na V Festa Gastronómica do Xabarín de Cerdedo, o día 25 de Abril, coa
actuación do "Grupo de
gaitas tradicionais Os
Abrentes de Cerdedo" (11:30
e 15:00h).
Ademáis,
este ano por segunda vez, a "A. C. Os Abrentes de Cerdedo" terá un stand de música tradicional expoñendo o seu traballo (instrumentos, partituras, fotografías, videos...) coma un adianto do libro "As bandas de música de Cerdedo" que verá a luz nos vindeiros meses.
Novidades informáticas na
"A. C. Os Abrentes de
Cerdedo" 21/02/10
A
"Asociación Cultural Os
Abrentes de Cerdedo"
síguese adaptando as novas
correntes e novidades
informáticas.
Despois da creación dunha canle de videos no portal "Youtube",
unha páxina no "Myspace"...
agora a "Asociación Cultural
Os Abrentes de Cerdedo"
únese ás redes sociais "Facebook"
e "Tuenti".
Homenaxe
a "Os Alegres" de Pontevedra
polo seu 70 aniversario
celebrado o día 5 de
Decembro no "Teatro
Principal" da cidade de
Pontevedra . A "A. C. Os
Abrentes de Cerdedo", entre
outros grupos, foi convidada
para participar neste acto.
A
"A. C. Os Abrentes de
Cerdedo" xa está no
Facebook
10/07/09
Agora
a "Asociación Cultural
Os Abrentes de Cerdedo"
tamén está no facebook, onde
nos poderedes agregar coma
amigos e deixar os vosos
comentarios.
As
Pandeireteiras de Barro de
Arén e Os Abrentes no "Luar"
da TVG
10/05/09
Xa está dipoñible
o video da
actuación
das "Pandeireteiras de
Barro de Arén" xunto con
tres dos membros da "A.
C. Os Abrentes de Cerdedo",
Rubén Troitiño (gaita), Jesús
Pérez (tambor) e José
Cudeiro (bombo) no programa da
TVG "Luar" na
presentación da "IV
Festa Gastronómica do Xabarín"
de Cerdedo na sección "Descargas".
Xa
podedes ver a "A. C. Os Abrentes de
Cerdedo" no Alalá da "TVG"
08/05/09
Xa está dipoñible na páxina da Televisión de Galicia o programa "Alalá" adicado
á "A. C. Os Abrentes de Cerdedo" emitido o 21 de abril.
Tamén
está dispoñible dende o
venres 8 de Maio o programa
"Alalá" na sección
"Descargas" ou na
páxina
www.youtube.com/osabrentes
onde o poderedes ver con
mellor calidade de imaxen
activando a función
.
Stand
de música tradicional na IV Festa
do Xabarín (Cerdedo) 05/05/09
Este ano por primeira vez, a "A. C. Os Abrentes de
Cerdedo" co motivo do XV aniversario da asociación
montou un stand de música tradicional expoñendo o seu traballo (instrumentos, partituras, fotografías, videos...) coma un adianto do libro "As bandas de música de
Cerdedo" que verá a luz nos vindeiros meses.
Dende
a "A. C. Os Abrentes de
Cerdedo" queremos dalas
gracias a Jesús Campos e a
Mª Asunción García polas
suas colaboracions.
A "A. C. Os Abrentes de Cerdedo" na IV Festa
do Xabarín (Cerdedo) 23/04/09
Participación da "A. C. Os Abrentes de
Cerdedo" na IV Festa Gastronómica do Xabarín de Cerdedo, o día 26 de Abril, coa actuación da "Charanga Tradicional Os Abrentes" a partir das once e media da mañan e das tres da tarde polo recinto da festa.
Ademáis, este ano por primeira vez, a "A. C. Os Abrentes de Cerdedo" co motivo do XV aniversario da asociación terá un stand de música tradicional expoñendo o seu traballo (instrumentos, partituras, fotografías, videos...) coma un adianto do libro "As bandas de música de Cerdedo" que verá a luz nos vindeiros meses.
Xa
podedes ver a "A. C. Os Abrentes de
Cerdedo" no Alalá da "TVG"
22/04/09
Xa está dipoñible na páxina da Televisión de Galicia o programa "Alalá" adicado
á "A. C. Os Abrentes de Cerdedo" emitido o 21 de abril.
A
"A. C. Os Abrentes de
Cerdedo" no Alalá da "TVG"
21/04/09
Hoxe, martes, día 21/04/2009
Os Abrentes de Cerdedo, con quen estará o "Alalá" esta noite, son os herdeiros dunha inmensa fortuna: a enorme tradición musical que ten a comarca de Terra de Montes, unha zona onde houbo gaiteiros ilustres, como os gaiteiros de Soutelo; acordeonistas de sona; tres bandas de música a un tempo e pandereteiras en cada parroquia.
Pois ben, cada un dos Abrentes foi recollendo o saber de todos estes mestres para condensalo, ás veces, como grupo de gaitas e outras como charanga. Eles, que son oito, están encantados de ser os continuadores na transmisión de todo este tesouro musical.
As pandereteiras de Barro de Arén; Jesús Campos o dos Diplomáticos do Acordeón ou o coñecido gaiteiro e artesán Bartolo, son algúns dos mestres destes oito músicos dos Abrentes, entre os que hai un pai e un fillo e dous irmáns. Están convencidos de que a música une as xeracións e como xa a tiñan na casa só tiveron que decatarse do importante que era. Grazas a eles, segue habendo festa en Cerdedo, algo ao que os veciños estaban moi afeitos, pero que nos últimos anos foi indo a menos porque a xente marchou de alí para buscar
traballo.
A
"A. C. Os Abrentes de
Cerdedo" na Televisión
de Galicia "TVG"
04/04/09
Durante
o mes de Abril, a
"Asociación Cultural Os
Abrentes de Cerdedo"
terá duas aparicións na
Televisión de Galicia.
A
primeira delas será no
programa "Luar"
presentado por Xosé Ramón Gayoso e Nieves Rodríguez
o venres 17 a partir das dez
da noite. Esta actuación
será conxunta coas "Pandeireteiras
de Barro de Arén"
interpretando a peza
tradicional "Como che vai
miña rosa...".
A
segunda aparición será no
programa "Alalá", o
martes 21 a partir das nove e
media da noite. Este programa
será adicado a "A. C. Os
Abrentes de Cerdedo", que
fará un percorrido pola
historia da asociación dende
a súa creación ata agora.
Organizadores
da "Festa da Vincha"
agasallan a "Os Abrentes"
polos seus XV anos 23/02/09
A
Asociación de Mulleres "Espadela"
agasalla, na "IX Festa da Vincha"
organizada o domingo 22 de
Febreiro, a "Os Abrentes"
polo seu XV Aniversario cun
prato e vaso conmemorativo da
Festa e cunha vincha.
Dende
a "Asociación Cultural
Os Abrentes de Cerdedo"
queremos mostrar a nosa
gratitude por tal agasallo e
felicitar tanto aos
organizadores ("Espadela"),
patrocinadores ("Medio
Rural") coma os
colaboradores ("Concello
de Pontevedra",
"Verbo Xido", "forGA",
"CIGA" e "Concello
de Cerdedo") pola festa
da vincha e animalos a que
sigan adiante con tal evento.
Novidades informáticas na
"A. C. Os Abrentes de
Cerdedo" 06/02/09
A
"Asociación Cultural Os
Abrentes de Cerdedo"
síguese adaptando as novas
correntes e novidades
informáticas.
Despois da creación dunha canle de videos no portal "Youtube"
presentámosvos unha nova páxina en "Myspace". Tanto nunha coma na outra está a información básica da "Asociación Cultural Os Abrentes de Cerdedo". As
direccións son moi sinxelas:
www.myspace.com/osabrentes
www.youtube.com/osabrentes
Comunicado da
"Asociación Cultural Os
Abrentes de Cerdedo"
23/01/09
A
"Asociación Cultural Os
Abrentes de Cerdedo" ven de
renovar este mes a súa Xunta
Directiva. Ao fronte da nova
etapa sitúase coma presidente
Rubén Troitiño, quen fixo un
avance dalgunhas das
actividades previstas pola
Asociación para conmemorar os
XV anos da creación do "Grupo
de Gaitas Os Abrentes de
Cerdedo". Entre eles destaca a
organización dunha ruada en
Cerdedo, que terá lugar
previsiblemente no vindeiro
mes de maio.
Tamén
se lle pretende dar o pulo
definitico ao libro sobre a
historia das bandas de música
de Cerdedo, no que veñen
traballando dende hai varios
anos algúns membros da
Asociación. Ademáis, para o
mes de marzo está previsto
que a "Asociación
Cultural Os Abrentes de
Cerdedo" participen na
gravación do programa "Alalá"
da Televisión de Galicia.
Novo video: Cerdedo,
percorrido polas súas
parroquias
Video promocional do libro "As Bandas de Música de Cerdedo"
Próxima
publicación: "As
Bandas de Música de Cerdedo"
As
bandas de música marcaron un
século enteiro da vida
sociocultural de Cerdedo. No
período que abrangue a
segunda metade do século XIX
e a primeira metade do XX
funcionaron nesta vila
alomenos catro bandas de música,
ás veces de xeito simultáneo.
Ademais, os músicos de
Cerdedo mesmo fundaron bandas
en outras localidades, coma
Campo Lameiro ou A Cañiza. A
pesares dunha historia musical
tan prolífica, as referencias
bibliográficas ao respecto
son tan escasas que poden ser
consideradas como anecdóticas.
O libro "As Bandas de Música
de Cerdedo" ven a encher
este baleiro. Dende a
"Asociación Cultural Os
Abrentes de Cerdedo",
pensamos que xa vai sendo hora
de que Cerdedo comece a recoñecer
que ten atrás unha historia
musical impresionante. Unha
historia que, a piques de ser
esquecida, nunca tivo recoñecemento
público dabondo.
"As
Bandas de Música de Cerdedo",
que verá a luz nos vindeiros
meses, é o resultado de máis
de cinco anos de pescudas
levadas a cabo por tres compoñentes
do grupo de gaiteiros "Os
Abrentes de Cerdedo".
Nesta obra, téntase
reconstruir a historia das
bandas cerdedenses nun
apaixonante percorrido que nos
leva a rememorar multitude de
situacións e anécdotas. A
historia das bandas é tamén
a daquela xente que formaba
parte delas. Así, ademais
presentar a todos os
directores, apórtanse datos
biográficos de preto de 140 músicos
que formaron parte dalgunha
destas agrupacións. Todo isto
ilustrado cunha gran cantidade
de fotografías, a meirande
parte delas con máis de 50
anos de antigüidade.
Compre
dicir que "As Bandas de Música
de Cerdedo" é un
proxecto que vai máis alá do
propio libro. Nos anos de
investigación recuperáronse
e restauráronse algúns dos
instrumentos que pertenceran
ás diferentes bandas, así
como parte das partituras que
conformaban os seus
repertorios. Trabállase
ademais co propósito de
recuperar algunhas das
composicións para banda dos
mestres cerdedenses.
Se
alguén de vostedes pensa que
posúe material que poida ser
interesante para ser incluído
no libro que estamos
preparando (fotografías,
historias, datos bibliográficos
dalgún músico da súa
familia, etc.), se están
interesados en reservar un
exemplar desta obra, ou se
desexan obter información
adicional non dubiden en
contactar con nós, ben ao
traveso das direccións que
figuran na nosa páxina web
www.osabrentes.com (osabrentes@osabrentes.com
ou Rúa As Longas, nº 10,
36130 Cerdedo – Pontevedra),
ou ben contactando con Manuel
Campos enviando un correo
electrónico a
mctoimil@hotmail.com.
II
Cursos de Música Tradicional
Está
aberta a matrícula para os
segundos cursos de música
tradicional. A inscripción
destes cursos non ten data límite.
Terán o seu remate a finais
do mes de Xuño do 2008.
As
clases serán de: gaita galega,
pandeireta e canto
tradicional, baile tradicional
e acordeón, impartíndose os
Sabados na localidade de Barro
de Arén.
Os
mestres serán: Rubén Troitiño
(membro da "Asociación
Cultural Os Abrentes de
Cerdedo - Gaita galega);
Marcelo González (membro da
Asociación Cultural "Tear
de Llerena" - Baile
tradicional); Xandre Outeiro (membro
da Asociación Cultural "Tear
de Llerena" - Pandeireta
e canto); Jesús Campos (membro
do grupo "Os diplomáticos
do acordeón" - Acordeón)
Como
xa sabedes, o pasado día 10
de Maio tivo lugar a
presentación da programación
cultural "Vai de Camiño
2007", compendio das
actividades lúdico-culturais
nas diferentes rutas xacobeas
durante o verán, organizadas
pola Consellería de Innovación
e Industria, a través do
Xacobeo. Trátase dun proxecto
que intenta conformar un
circuito cultural estable no
que desenvolver unha
programación anual
diversificada, plural,
participativa e de calidade,
que reforce esta vía como a
ruta cultural máis importante
de Europa e que contribúa á
dinamización económico-social
dos camiños, das vilas, do
territorio e das súas xentes.
O
100% das actividades serán
realizadas por artistas
galegos coa intención de
promover a súa actividade
profesional e a súa
capacidade creativa;
potenciando asimesmo a
popularización da cultura
galega tanto entre os
habitantes de Galiza como
entre os camiñantes, turistas
e público en xeral.
A
Consellaría de Innovación e
Industria e o Xacobeo contan
nesta ocasión coa colaboración
da Asociación de Gaiteiros
Galegos, que escolleu a 72
grupos de música tradicional
participantes no programa. A música
tradicional estará presente
en todas as grandes actuacións
como a animación de rúa, os
catro festivais de música
tradicional ou os quince
festivais de pequenas vilas
cun formato acústico. Todos
os participantes foron
seleccionados das nosas bases
de datos, elaboradas a partir
das enquisas de músicos
tradicionais que os nosos
socios enviaron.
Todos
os interesados en coñecer ós
grupos participantes no "Vai
de Camiño 2007" teñen o
listado aquí. O grupo
"Os Abrentes de Cerdedo"
foi un dos seleccionados.
Está
aberta a matrícula para os
cursos de música tradicional.
A inscripción destes cursos
non ten data límite. Terán o
seu remate a finais do mes de
Xuño do 2007. As clases serán de: gaita
galega, pandeireta e canto
tradicional, baile tradicional
e acordeón, impartíndose os
Sabados na localidade de
Cerdedo.
Os
mestres serán: Rubén Troitiño
(membro da "Asociación
Cultural Os Abrente de Cerdedo
- Gaita galega); Marcelo González
(membro da Asociación
Cultural "Tear de
Llerena" - Baile
tradicional); Xandre Outeiro (membro
da Asociación Cultural "Tear
de Llerena" - Pandeireta
e canto); Jesús Campos (membro
do grupo "Os diplomáticos
do acordeón" - Acordeón)
.
