Fol de veleno

 

Fanzine cultural e de opinión para dar a luz ás historia, xentes, terras e cousas dun país clandestino.

         "Fol de veleno" nace coa idea de se-la praza da vila, o patio de veciños, o carón da lareira onde se coce o que realmente importa na vida, o que fai que a xente e as sociedades estean vivas. Un boletin que fale de nós, das cousas de Pontevedra e das súas parroquias.

         Un fanzine modesto libre e independente que aspira a ser un pequeno escaparate para todos aqueles músicos, artistas ou escritores do noso contorno ós que o sistema lles dificulta as posibilidades de dar a coñece-lo seu traballo e a súa obra.

         Unha fiestra para amosar aquelas asociacións e persoas que traballan arreo na defensa da natureza e o contorno, na divulgación da cultura tradicional, na acción social e veciñal, en definitiva, na loita por unha sociedade máis culta, xusta, igualitaria e libre.

         "Fol de veleno" pretende ser un pequeno e efímero mosaico das nosas tradicións e saberes, dos vellos oficios, da nosa lingua, dos contos e lendas. Da nosa cultura e historia.

         Un taboleiro onde a xente de espçirito inquedo colgue as súas preocupacións, dúbidas e críticas á sociedade na que vivimos. Un espazo tamén para o debate e o intercambio de ideas.

         Por último, unha modesta guía para o lecer e para gozar cada vez máis da nosa terra, das nosas xentes e das insólitas cousas que fan que este país aínda siga a ser un país clandestino.

Fol de Veleno

         No número 2 de este fanzine aparece no apartado "Galería de Sons", inventario dos grupos tradicionais e de folk do noso entorno, a "Asociación Cultural Os Abrentes de Cerdedo".

     

 

Atrás