Agradecementos

 

         O noso primeiro agradecemento vai para os veciños e veciñas de Barro de Arén, pola súa xenerosa hospitalidade. No seu local social os nosos ensaios convírtense, semana tras semana, en agradables horas de música, amizade e conversa.

         Tamén queremos adicar o noso traballo a tódalas fontes de onde brotou o repertorio do grupo, en especial aos músicos tradicionais da Terra de Montes, dos que tanto temos aprendido.

         Outro agradecemento particular para o músico Xosé Luis Represas por compoñer para Os Abrentes o fermoso "Pasodobre de Cerdedo".

         Non queremos esquecer ás comisións das festas que se lembran de nós a hora de elaborar os seus programas de festas. Gracias a elas podemos autofinanciar o grupo.

         Ás nosas familias por permitirnos dispor do tempo libre imprescindible para levar a cabo esta actividade.

         E por último, a todas aquelas persoas ás que lles gusta o folclore e se alegran porque Os Abrentes podamos seguir desfrutando xunto a eles da música tradicional galega.

 

Grazas a todos!