"Asociación Cultural Os Abrentes de Cerdedo"

 

         O grupo de música tradicional "Os Abrentes de Cerdedo" naceu a partir dunha idea municipal. Fundouse no ano 1994. Isto dou lugar a unha asociación cultural, "Os Arxinas", que comprendía grupo de baile, e o grupo tradicional de gaitas, "Os Abrentes". Co paso do tempo desfíxose a "Asociación Cultural Arxina" quedando no seu lugar a "A. C. Os Abrentes de Cerdedo", baixo a dirección de Manuel Campos Toimil (Fundador do grupo folk "Tebra" e gaiteiro no grupo de "La Salle"), xa que el era o que tiña máis experiencia dentro do folclore. Na percusión, o mestre foi Antonio coñecido como "Valladares", xa falecido (Antigo membro dos "Morenos de Lavadores"). A "A. C. Os Abrentes" autosubencionase grazas ás festas que realiza o grupo de gaitas ó longo do ano. Actualmente o grupo non ten ningún mestre ó seu cargo.

         A "Asociación Cultural Os Abrentes de Cerdedo" foi creada para a conservación, o estudo e a difusión da música tradicional como parte fundamental da cultura e tradición do pobo galego, centrando o seu estudo na comarca Deza-Tabeirós Terra de Montes.

         Na actualidade, a "Asociación Cultural Os Abrentes de Cerdedo", está integrada por dous grupos, o "Grupo de gaitas tradicionais Os Abrentes de Cerdedo" e a "Charanga Os Abrentes", de formación tradicional.

 

Imaxe do escudo da "Asociación Cultural Os Abrentes de Cerdedo" debuxado no bombo do grupo de gaitas.

 

         

A imaxe do escudo foi feito a partir dunha unión da ponte romana de "San Antón" e das torres da igrexa parroquial "San Xoán" de Cerdedo.

 

Os grupos da "A. C. Os Abrentes de Cerdedo"

 

Grupo de gaitas tradicionais "Os Abrentes de Cerdedo"

         Formación tradicional tanto no seu vestiario, instrumentos... coma no seu repertorio, interpretando pezas da comarca Deza Tabeirós-Terra de Montes, e doutros grupos recoñecidos no panorama da música tradicional galega.

Charanga tradicional "Os Abrentes de Cerdedo"

         Formación na que instrumentos tradicionais se funden con instrumentos propios das bandas de música coma o saxofón ou o clarinete. Estas agrupacións eran típicas a finais do S.XIX tanto en Galicia coma en América.